Willemstad- E fin di siman aki tin e Mega Show presentá pa e hóbennan di Instituto pa Formashon musikal ku lo tuma lugá na International School. Despues di a hasi un evaluashon i a tuma nota ku e hóbennan ku ta kedando na Kinderoorden Brakkeput tambe ta risibiendo formashon musikal básiko, a pone ku APNA a skohe pa laga e muchanan aki bai disfrutá i mira kon hóbennan manera nan, tambe a desaroyá nan talento riba instrumentonan musikal i kanto. Bosero di APNA Angelo Virginie a hasi entrega di e karchinan na e hóbennan di Kinderoorden Brakkeput. Esaki sin duda a kai den masha bon tera serka e hóbennan komo e personal di e instituto ku lo sòru pa e hóbennan bai disfrutá i gosa di e show i dje forma aki duna nan ainda mas un estímulo pa desaroyá nan talento musikal.
